आज शेवटची संधी! म्हाडा मुंबई EWS गटासाठी टॉप 5 लोकेशन्स, फॉर्म कुठे भरायचा?

मुंबई : मुंबईत स्वतःच्या हक्काच्या घराचे स्वप्न पाहणाऱ्या सर्वसामान्य आणि अत्यल्प उत्पन्न गटातील (EWS) नागरिकांसाठी एक अत्यंत महत्त्वाची बातमी आहे. म्हाडाच्या मुंबई मंडळांतर्गत तब्बल २,६४० घरांसाठी सुरू असलेल्या लॉटरी प्रक्रियेत ऑनलाईन अर्ज करण्यासाठी आता अवघे काही तास शिल्लक राहिले आहेत. म्हाडाने निश्चित केलेल्या वेळापत्रकानुसार, ऑनलाईन अर्ज करण्याची अंतिम मुदत जवळ आली असून, इच्छुकांसाठी आज अर्ज करण्याची ही शेवटची सुवर्णसंधी ठरणार आहे.

जसजशी अर्ज करण्याची मुदत संपत आली आहे, तसतशी अर्जदारांमध्ये कोणत्या प्रकल्पाला पसंती द्यावी, याबाबत मोठी उत्सुकता निर्माण झाली आहे. म्हाडाच्या या लॉटरीत ‘अत्यल्प उत्पन्न गटासाठी’ (EWS) मर्यादित पर्याय उपलब्ध असले, तरी त्यातील काही लोकेशन्स बजेट आणि सोयीसुविधांच्या दृष्टीने सर्वोत्तम मानली जात आहेत.(MHADA Mumbai EWS Top 5 Locations)

EWS गटासाठी हे आहेत सर्वोत्तम प्रकल्प (Top Locations)

१. पहाडी गोरेगाव (PM 412 B – 412) – अर्जदारांची पहिली पसंती:
पंतप्रधान आवास योजनेअंतर्गत (PMAY) असलेला गोरेगावचा हा प्रकल्प सध्या म्हाडा लॉटरीत पहिल्या क्रमांकावर आहे. येथील घरे पूर्णपणे तयार (Ready to Move) असल्याने नागरिकांचा याला सर्वाधिक प्रतिसाद मिळत आहे.
कार्पेट एरिया: २९.९९ ते ३२ चौरस मीटर
घराची किंमत: सुमारे ३२ लाख ३६ हजार २०० रुपये
अनामत रक्कम (EMD): फक्त १०,००० रुपये
उपलब्ध घरे: १३ (इथे स्पर्धा अत्यंत तीव्र असणार आहे.)

​२. कन्नमवार नगर, विक्रोळी (415-B) – राखीव प्रवर्गासाठी उत्तम पर्याय:
विक्रोळीसारख्या मध्यवर्ती ठिकाणी खिशाला परवडणारे घर शोधणाऱ्यांसाठी पॉकेट-४ मधील (बिल्डिंग नंबर १ – A, B आणि C विंग) हा प्रकल्प एक अत्यंत बजेट-फ्रेंडली पर्याय आहे. येथील घरे प्रामुख्याने DT, माजी सैनिक (EX), शारीरिकदृष्ट्या दिव्यांग (PH) आणि अनुसूचित जाती (SC) या प्रवर्गांतील अर्जदारांसाठी उपलब्ध आहेत.
​कार्पेट एरिया: २८.९६ चौरस मीटर (बिल्टअप एरिया: ३६.९२ चौ.मी.)
​घराची किंमत: सुमारे ३८ लाख ११ हजार ०४४ रुपये
​अनामत रक्कम (EMD): २५,००० रुपये
​उपलब्ध घरे: ४ (ही घरे विशिष्ट प्रवर्गांसाठी राखीव आहेत.)

३. कन्नमवार नगर, विक्रोळी (414-B) – सर्वसामान्यांसाठी आणखी एक उत्तम पर्याय:
विक्रोळीतीलच कन्नमवार नगर येथील पॉकेट-३ मधील (बिल्डिंग नंबर १ – A आणि B विंग) हा आणखी एक प्रकल्प EWS गटासाठी उपलब्ध आहे. मध्यवर्ती ठिकाण आणि बजेटचा विचार करता हा एक चांगला पर्याय आहे. येथील घरे प्रामुख्याने सर्वसामान्य गट (GP), संरक्षण दल (DF), म्हाडा कर्मचारी (ME), शारीरिकदृष्ट्या दिव्यांग (PH) आणि राज्य शासकीय कर्मचारी (SG) या प्रवर्गांतील अर्जदारांसाठी खुली आहेत.
कार्पेट एरिया: २७.९८ चौरस मीटर (बिल्टअप एरिया: ३८.९५ चौ.मी.)
घराची किंमत: सुमारे ३५ लाख ८२ हजार १७७ रुपये
अनामत रक्कम (EMD): २५,००० रुपये
उपलब्ध घरे: २३ (इतर काही प्रकल्पांच्या तुलनेत येथे घरांची संख्या जास्त असल्याने, घर लागण्याची संधी थोडी अधिक आहे.)

​४. अँटॉप हिल, वडाळा (473-A) – शहराच्या मध्यवर्ती भागातील एक उत्तम पर्याय:
वडाळा येथील अँटॉप हिल, नूरा बाजार (CGS कॉलनी जवळ) हा EWS गटासाठी उपलब्ध असलेला आणखी एक महत्त्वाचा प्रकल्प आहे. मुंबईच्या अत्यंत मोक्याच्या ठिकाणी असलेल्या या प्रकल्पात प्रामुख्याने सर्वसामान्य गट (GP), स्वातंत्र्यसैनिक (FF), कलाकार (AR), आणि अनुसूचित जाती (SC) या प्रवर्गांतील अर्जदारांसाठी घरे उपलब्ध आहेत.
​कार्पेट एरिया: २८.१७ चौरस मीटर (बिल्टअप एरिया: ४७.२२ चौ.मी.)
​घराची किंमत: सुमारे ४१ लाख ५१ हजार ००० रुपये
​अनामत रक्कम (EMD): २५,००० रुपये
​उपलब्ध घरे: ९ (शहराच्या मध्यवर्ती भागात घर शोधणाऱ्यांसाठी हा एक अतिशय चांगला पर्याय ठरू शकतो.)

५. अँटॉप हिल, वडाळा (413-C) – राखीव प्रवर्गासाठी मोक्याच्या ठिकाणचा पर्याय:
वडाळा येथील अँटॉप हिल, नूरा बाजार (CGS कॉलनी जवळ) याच परिसरात EWS गटासाठी हा आणखी एक प्रकल्प उपलब्ध आहे. मोक्याच्या ठिकाणी असलेला हा प्रकल्प प्रामुख्याने अनुसूचित जमाती (ST), शारीरिकदृष्ट्या दिव्यांग (PH), अनुसूचित जाती (SC) आणि राज्य शासकीय कर्मचारी (SG) या विशिष्ट प्रवर्गांतील अर्जदारांसाठी राखीव आहे.
कार्पेट एरिया: २८.१७ चौरस मीटर (बिल्टअप एरिया: ४६.४४ चौ.मी.)
घराची किंमत: सुमारे ४१ लाख ५१ हजार ००० रुपये
अनामत रक्कम (EMD): २५,००० रुपये
उपलब्ध घरे: ५ (ही घरे ठराविक प्रवर्गांसाठी उपलब्ध असल्याने पात्र उमेदवारांसाठी ही एक उत्तम संधी आहे.)

येथे वाचा – बोरिवलीत म्हाडाचा आतापर्यंतचा सर्वात मोठा गृहप्रकल्प

हरियाली व्हिलेज, कन्नमवार नगर, विक्रोळी (534- बिल्डिंग नंबर – 16, पॉकेट ७) – घर लागण्याची सर्वाधिक शक्यता:
ज्या नागरिकांना हक्काचे घर नक्की हवे आहे आणि जे पुढील ३ ते ४ वर्षे वाट पाहू शकतात, अशा सर्वसामान्य प्रवर्गातील (General Public) नागरिकांसाठी हा एक उत्तम पर्याय आहे.
कार्पेट एरिया: २८.९७ चौरस मीटर
घराची किंमत: साधारण ४९ लाख २८ हजार ८३६ रुपये
अनामत रक्कम (EMD): २५,००० रुपये
उपलब्ध घरे: एकूण ८६ घरे
विशेष नोंद: हा प्रकल्प सध्या निर्माणाधीन (Under Construction) असून याचा ताबा २०३०-३१ पर्यंत मिळण्याची शक्यता आहे. ताबा मिळण्यास वेळ लागणार असल्याने येथे इतर प्रकल्पांच्या तुलनेत कमी अर्ज येण्याचा अंदाज आहे, परिणामी लॉटरीत घर लागण्याची शक्यता (Chances) येथे सर्वाधिक असेल.